အာကင်ဆောပြည်နယ်

အံ့ဖွယ်ပြည်နယ်တစ်ခုအဖြစ် လူသိများသော အာကင်ဆောပြည်နယ်သည် အမေရိကန် ပြည်ထောင်စု၏ တောင်အလယ်ပိုင်း ပြည်နယ်ဖြစ်သည်။ ထိုပြည်နယ်၏ မြောက်ဘက်၌ မစ်ဇူရီပြည်နယ်၊ အရှေ့ဘက်၌ မစ်စ္စစ္စပီမြစ်၊ တောင်ဘက်၌ လူဝီစီယားနားပြည်နယ်နှင့် အနောက်ဘက်၌ တက္ကဆက်ပြည်နယ်နှင့် အိုကလာဟိုးမား ပြည်နယ်တို့ အသီးအသီး တည်ရှိကြသည်။ အာကင်ဆောပြည်နယ်၏ အကျယ်အဝန်းသည် ၅၃Ý၁ဝ၂ စတုရန်းမိုင်ရှိ၍ အမေရိကန်ပြည်ထောင်စု၏ ပြည်နယ်များတွင် ၂၆ ခုမြောက်နေရာ၌ ရှိသည်။ ပြည်နယ် သုံးပုံနှစ်ပုံသည် သစ်တောများဖြင့် ဖုံလွှမ်းလျက် ရှိသည်။ အာကင်ဆောပြည်နယ်ကို အနောက်မြောက် တောင်ကုန်း ဒေသနှင့် အရှေ့တောင် မြေနိမ့်ဒေသဟူ၍ နှစ်ပိုင်းပိုင်းခြား နိုင်၏။ မစ်စစ်စပီမြစ်သည် ပြည်နယ်၏ အရှေ့ဘက်နယ်နိမိတ် အဖြစ် တည်ရှိ၍ ထိုမြစ်၏ အကြီးဆုံး သော လက်တက်ဖြစ် သည့် အာကင်ဆောမြစ်သည် အာကင်ဆောပြည်နယ်၏ အလယ်ဗဟိုကိုဖြတ်လျက် အနောက်မှ အရှေ့သို့ စီးဆင်းလေ သည်။ ထိုပြင် ရက်မြစ်(မြစ်နီ)၊ ဝှိုက်မြစ်(မြစ်ဖြူ)၊ စိန်ဖရန်းစစ်မြစ်နှင့် ရေ အိုင်ကြီးများလည်း ရှိပေသေးသည်။ အာကင်ဆောပြည်နယ်၏ ရာသီဥတုမှာ အပူအအေး မျှတ၍ ကျန်းမာရေးနှင့် ညီညွတ်၏။ အရှေ့ပိုင်း ရွှံ့ညွန်ထူထပ်သည့် ဒေသတစ်ဝိုက်တွင်သာ ငှက်ဖျားရောဂါ အနည်းငယ်ရှိလေသည်။ နှစ်စဉ် ရွာသွန်းသော မိုးရေချိန်သည် ၄၅ လက်မမှ ၅၅ လက် အထိ ရှိသော်လည်း လယ်ယာစိုက်ပျိုးရေး လုပ်ငန်းအတွက် မလုံလောက်သဖြင့် ဆည်းမြောင်းတာတမံများ တူးဖော်ကာ ရေသွင်းစိုက်ပျိုးကြရလေသည်။ အများဆုံး ထွက်ကုန်မှာ ဝါဂွမ်းဖြစ်၏။ သို့ရာတွင် ဆည်မြောင်းများ ဖောက်လုပ်ပြီး သည့်အချိန်ကစ၍ ဆန်စပါး စိုက်ပျိုးရေးလုပ်ငန်းသည်လည်း များစွာ အရေးပါအရာရောက်သော လုပ်ငန်းကြီးတစ်ခု ဖြစ်လာ လေသည်။ အခြားစိုက်ပျိုးသီးနှံများမှာ ပြောင်းဆန်၊ မြင်းစားဂျုံ နှင့် သစ်သီးဝလံများ ဖြစ်ကြ၏။ အာကင်ဆောပြည်နယ်မှ နှစ်စဉ် ကျောက်မီးသွေးတန်ချိန် တစ်သန်းထက်မနည်း ထွက်၍ ရေနံစည်ကြီး ပေါင်း ၂၅,ဝဝဝ,ဝဝဝ ကျော် ထွက်လေသည်။ သစ်ထုတ်လုပ်ခြင်းသည် ထိုပြည်နယ်၏ အကြီးဆုံးသော လုပ် ငန်းတစ်ခုဖြစ်၍ သစ်တန် ချိန် မြောက်မြားစွာ ထွက်သည်။ အာကင်ဆောပြည်နယ်တွင် သစ်တောသည် ဧကပေါင်း တသန်းကျော်မျှ ရှိလေသည်။ လမ်းပန်းဆက်သွယ်ရေးတွင်ကား တောတောင်ထူထပ်သော မြောက်ပိုင်းနှင့် အနောက်ပိုင်းကလွဲ၍ ကျန် အပိုင်းများတွင် အဆင့်အတန်းမြင့်လှသော မီးရထားလမ်းများ ရှိသည်။ အာကင်ဆောပြည်နယ်ကို အံ့ဘွယ်ပြည်နယ်ခေါ်ကြခြင်း မှာ ထိုနယ်ရှိ ရေပူစမ်းများကြောင့် ဖြစ်တန်ရာ သည်။ ထိုရေပူစမ်းများမှရေကို သောက်ချိုးသုံးဆောင်ရပါက ထုံနာ ကျင်နာနှင့် အလားတူရောဂါများ ပျောက် ကင်းချမ်းသာ သည်ဟု ဆိုလေသည်။ ၁၉၂၁ ခုနှစ်တွင် ရေပူစမ်း အမျိုးသားပန်းခြံဟု စတင်ဖွင့်လှစ်ခဲ့ သည်။ ထိုအမျိုးသား ပန်းခြံ၏ အကျယ်အဝန်းမှာ ၁ ၁/၂ စတုရန်းမိုင် ရှိလေသည်။ အာကင်ဆောပြည်နယ်ကို ၁၅၄၁ ခုနှစ်တွင် ဟာနင်ဒိုဒီ ဆိုတိုအမည်ရှိ စပိန်လူမျိုးက ဦးစွာ ရှာဖွေ တွေ့ ရှိခဲ့၏။ ထိုနောက် ပြင်သစ်လူမျိုးများ လာရောက်နေထိုင်ကြရာမှ နောင်အခါ ပြင်သစ်ပိုင်ဖြစ်သွားလေသည်။ ၁၈ဝ၃ ခုနှစ်တွင် အမေရိကန်ပြည်ထောင်စု အစိုးရက ပြင်သစ်တို့လက်ထဲမှ ဝယ်လိုက်ပြီးနောက် ၁၈၃၆ ခုနှစ်တွင် ပြည်ထောင်စုအတွင်းသို့ သွတ်သွင်းလိုက်သည်။ အာကင်ဆောပြည်နယ်တွင် ၁၉၇ဝ ပြည့်နှစ် သန်းခေါင် စာရင်းအရ လူဦးရေ ၁,၁၈၆,၂၁ဝ ရှိ၏။ လူဦး ရေ အားလုံး၏ သုံးပုံတစ်ပုံသည် နီဂရိုး(ကပ္ပလီ)များ ဖြစ်ကြသည်။ အာကင်ဆောပြည်နယ်၏ မြို့တော်သည် လစ်တဲရော့မြို့ဖြစ်၍ လူဦးရေ ၁၂၈,၈၈ဝ ရှိလေသည်။[5]

အာကင်ဆောပြည်နယ်
Flag တံဆိပ်
အခြားအမည်များ: The Natural State (current)
The Land of Opportunity (former)
ဆောင်ပုဒ်: Regnat populus (Latin)
အမေရိကန်ပြည်ထောင်စု၏ မြေပုံ အာကင်ဆော အရောင်ခြယ်ပြထား
ရုံးသုံးဘာသာစကားများ အင်္ဂလိပ်
မြို့သားArkansan; Arkansawyer;Arkansawian[1]
မြို့တော်လစ်တဲလ်ရော့ခ်
အကြီးဆုံးမြို့မြို့တော်
အကြီးဆုံး မက်ထရိုဧရိယာလစ်တဲလ်ရော့ခ် မက်ထရိုပိုလစ်တန်
ဧရိယာ အမေရိကန်အဆင့် ၂၉
 - စုစုပေါင်း၅၃,၁၇၉ စတုရန်းမိုင်
(၁၃၇,၇၃၃ စတုရန်း ကီလိုမီတာ)
 - အကျယ်239 miles (385 ကီလိုမီတာ)
 - အရှည်261 miles (420 ကီလိုမီတာ)
 - ရေရာခိုင်နှုန်း၂.၀၉
 - လတ္တီကျု33° 00′ N to 36° 30′ N
 - လောင်ဂျီကျု89° 39′ W to 94° 37′ W
လူဦးရေ အမေရိကန်အဆင့် ၃၂
 - စုစုပေါင်း၂,၉၃၇,၉၇၉(၂၀၁၁ ခန့်မှန်း)
- သိပ်သည်းမှု၅၆.၄/စတုရန်းမိုင်
(၂၁.၈/စတုရန်းကီလိုမီတာ)
အမေရိကန်အဆင့်၃၄
အမြင့် 
 - အမြင့်ဆုံးနေရာ မဂ္ဂဇင်းတောင်[2][3][4]
2,753 ပေ  (839 မီတာ)
 - အလယ်အလတ်650 ပေ  (200 မီတာ)
 - အနိမ့်ဆုံးနေရာOuachita River at Louisiana border[3][4]
55 ပေ  (17 မီတာ)
ပြည်ထောင်စုသို့
ဝင်ရောက်ခြင်း 		 ဇွန်လ ၁၅၊ ၁၈၃၆ (၂၅)
ပြည်နယ်အုပ်ချုပ်ရေးမှူးမိုက်ဘီးဘီ (D)
လက်ထောက်
ပြည်နယ်အုပ်ချုပ်ရေးမှူး		မာ့ခ် ဒါး (R)
ဥပဒေပြုလွှတ်တော်လွှတ်တော်
 - အထက်လွှတ်တော်ဆီးနိတ်လွှတ်တော်
 - အောက်လွှတ်တော်အောက်လွှတ်တော်
ဆီးနိတ်အမတ်များ မာ့ခ် ပရိုင်ရာ(D)
ဂျွန် ဘုဇ်မန်း (R)
အောက်လွှတ်တော် အမတ်များ 3 Republicans, 1 Democrat (list)
အချိန်ဇုန် Central: UTC-6/-5
အတိုကောက်များ AR Ark. US-AR
အင်တာနက်စာမျက်နှာhttp://www.arkansas.gov

ကိုးကား
  1. Arkansawyer definition။ 18 May 2010။ 9 January 2011 တွင် မူရင်း အား မော်ကွန်းတင်ပြီး။ 14 May 2012 တွင် ပြန်စစ်ပြီး။
  2. Mag။ NGS data sheet။ U.S. National Geodetic Survey။ October 20, 2011 တွင် ပြန်စစ်ပြီး။
  3. Elevations and Distances in the United States။ United States Geological Survey (2001)။ October 21, 2011 တွင် ပြန်စစ်ပြီး။
  4. Elevation adjusted to North American Vertical Datum of 1988.
  5. မြန်မာ့စွယ်စုံကျမ်း၊ အတွဲ(၁၄)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.