မြို့သစ်မြို့

မြို့သစ်မြို့သည် မကွေးတိုင်းဒေသကြီး၊ မကွေးခရိုင် တောင်တွင်းကြီးနယ်တွင် ပါဝင်သော မြို့သစ်မြို့နယ်၏ ရုံးစိုက်မြို့ဖြစ်၏။ မြို့သစ်မြို့၏ မြောက်ဖက်တွင် သစ်ပုံချောင်း၊ အရှေ့ဖက်တွင် ပဲခူးရိုးမ၊ တောင်ဖက်တွင် တောင်တွင်းကြီးမြို့နယ်၊ အနောက်ဖက်တွင် ယင်းချောင်းတို့ရှိသည်။ မြို့သစ်မြို့နယ်သည် ၆၄၈ စတုရန်းမိုင် ကျယ်ဝန်း၏။ မြို့နယ်အတွင်း၌ သူကြီးပိုင်နယ်ပေါင်း ၇ဝ ရှိ၍ ၂၀၁၄ ခုနှစ် ခန့်မှန်း သန်းခေါင်စာရင်းအရ မြို့ပေါ်ရှိလူဦးရေမှာ ၈,၀၈၀ ယောက်[1] ရှိသည်။ မြို့ပေါ်တွင် နေထိုင်သူတို့မှာ မြန်မာလူမျိုးချည်း ဖြစ်သည်။ မြို့သစ်တွင် မြို့ပိုင်နှင့် လက်ထောက်မြို့ပိုင်ရုံး၊ သမဝါယမရုံးနှင့် နိုင်ငံတော်အထက်တန်းကျောင်းတစ်ကျေင်း ရှိသည်။ ၅ ရက် တဈေးလည်းရှိသည်။

ဤဆောင်းပါးသည် မကွေးတိုင်းဒေသကြီးအတွင်းရှိ မြို့ အကြောင်း ဖြစ်သည်။ စစ်ကိုင်းတိုင်းဒေသကြီးအတွင်းရှိ အမည်တူမြို့ အတွက် မြို့သစ်မြို့၊ တမူးခရိုင် ကို ကြည့်ပါ။
မြို့သစ်မြို့
မြန်မာနိုင်ငံရှိ မြို့များ
မြို့သစ်မြို့
မြို့တည်နေရာပြ မြန်မာနိုင်ငံမြေပုံ
ကိုဩဒိနိတ်: 20°12′N 95°27′E
နိုင်ငံအမည် မြန်မာ
တိုင်းဒေသကြီးမကွေး
ခရိုင်မကွေး
မြို့နယ်မြို့သစ်မြို့နယ်
မြို့နယ်ရုံးစိုက်ရာမြို့မြို့သစ်မြို့
အချိန်ဇုန်မြန်မာစံတော်ချိန် (UTC+ ၆ နာရီ ၃၀ မိနစ်)

မြို့သစ်မြို့နယ်၏ အရှေ့ပိုင်းသည် မြေနိမ့်ပိုင်းဖြစ်၍ ယင်းချောင်းမှ ရေကို ရရှိသည်။ ကောင်းမွန် ကျယ်ပြန့်စွာ လယ်ယာလုပ်ကိုင်နိုင်၍ အထူးသဖြင့် စပါးကို စိုက်ပျိုးသည်။ မြို့နယ်၏ အနောက်ပိုင်းတွင်ကား အင်တိုင်းမြေရှိသဖြင့် အပူပိုင်းဒေသ အပင်မျိုးကို စိုက်နိုင်သည်။ မြို့သစ်မြို့သည် ပျဉ်းမနား ကျောက်ပန်းတောင်း မီးရထားလမ်းပေါ်တွင် တည်ရှိသောကြောင့် မြို့နယ်၏ ထွက်ကုန်များကို မီးရထားဖြင့် တင်ဆောင်ရောင်းချသည်။[2]


ကိုးကား
  1. ၂၀၁၄ ခုနှစ် မြန်မာနိုင်ငံလူဦးရေနှင့် အိမ်အကြောင်းအရာ ပြည်ထောင်စု သန်းခေါင်စာရင်း အစီရင်ခံစာ၊ အတွဲ(၂)၊ ပြည်သူ့အင်အားဦးစီးဌာန၊ May 2015၊ p. ၅၆
  2. မြန်မာ့စွယ်စုံကျမ်း၊ အတွဲ(၉)


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.