ဥပ္ပလရတနာ

ဥပ္ပလရတနာ (ပါဠိ: Uppalaratana) သည် ထိုင်းနိုင်ငံ ​တော်ဝင်မိသားစုဝင်ဖြစ်ကာ မင်းသမီး​ဟောင်းတစ်ပါးဖြစ်ကာ နိုင်ငံ​ရေးသမားတစ်​ယောက်ဖြစ်သည်။သူသည် ဘူမိဗလဘုရင်နှင့် မိဖုရားသီရိ​ခေတ်တို့၏ သမီးအကြီးဆုံးဖြစ်သည်။

ဥပလ်ရတန Ubol Ratana อุบลรัตน
၂၀၁၀ ခုနှစ်က မင်းသမီး
ကိုယ်ရေး အချက်အလက်များ
မိခင်ကျောင်း	မက်ဆာချူးဆက် စက်မှုတက္ကသိုလ် ကယ်လီဖိုးနီးယားတက္ကသိုလ်

ဥပ္ပလရတနာ
မွေးဖွား	၅ ဧပြီ၊ ၁၉၅၁ လူဆန်မြို့၊ ဆွစ်ဇာလန်နိုင်ငံ
အိမ်ထောင်ဖက်	ပီတာလတ်ဂျန်ဆန် (m. 1972; div. 1998)
သားသမီးများ	ပလွိုင်းပန်လင် ဂျန်ဆန် ပွန်းဂျန်ဆန် သီရိ​ခစ်ယ ဂျန်ဆန်
စံအိမ်	ချက္ကရီမင်းဆက်
ခမည်းတော်	ဘူမိဗလ်အဒုလျဒေ့က်ျ
မယ်တော်	သီရိခေတ်
ကိုးကွယ်မှု	ဗုဒ္ဓဘာသာ
လက်မှတ်

၁၉၇၂ခုနှစ်တွင် သူ၏​တော်ဝင်ဂုဏ်ပုဒ်များကို စွန့်လွှတ်ကာ ခင်ပွန်းဖြစ်သူနှင့်အတူ အ​မေရိကန်တွင် အ​ခြေချ​နေထိုင်ခဲ့သည်။သို့​သော် ၁၉၉၈ခုနှစ်တွင် ကွာရှင်းခဲ့သည်။ကွာရှင်းပြီး​နောက် ​တော်ဝင်ဂုဏ်ပုဒ်များနှင့်​ဝတ္တရားများ ပြန်လည် စတင်ခဲ့သည်။ [1]

ကွာရှင်းအပြီး ထိုင်းနိုင်ငံသို့ မကြာခဏပြန်လာပြီး ၂၀၀၁ခုနှစ်တွင် အမြဲတမ်းပြန်လည်​နေထိုင်ခဲ့သည်။ပြန်​​ရောက်​ရောက်ခြင်းတွင် အခမ်းအနား​ပေါင်းများစွာတက်​ရောက်ခြင်းဖြင့် ​တော်ဝင်ဝတ္တရားများကို ပြန်လည်​ဆောင်ရွက်ခဲ့သည်။ ထိုင်းပြည်သူများ၏ အရည်အ​သွေးကို မြှင့်တင်​ပေးမည့် ကုသိုလ်ဖြစ်​ဖောင်​ဒေးရှင်းများကို စတင်ခဲ့သည်။[2]

၂၀၁၉ခုနှစ် မတ်လတွင်ကျင်းပမည့် ထိုင်းနိုင်ငံ​ရွေး​ကောက်ပွဲတွင် ပါဝင်အ​ရွေးခံမည့်သူဖြစ်သည်။ [3][4]

အ​စောပိုင်းဘဝ

ဥပ္ပလရတနာမင်းသမီးမှာ ဘုရင်ဘူမိဗလနှင့်မိဖုရားသီရိ​ခေတ်တို့မှ ၁၉၅၁ခုနှစ် ဧပြီ၁ရက်​နေ့တွင် ဆွစ်ဇာလန်နိုင်ငံတွင် ဖွားမြင်​သော အကြီးဆုံးက​လေးဖြစ်သည်။ထိုင်းနိုင်ငံသို့ ပြန်လာပြီး​နောက် ဒူဆစ်နန်းတော်တွင် ​နေထိုင်ခဲ့သည်။ဘွဲ့​တော်အပြည့်အစုံမှာ ဥပ္ပလရတနရာဇကညာ သိရိဝဎနာဝဏ္ဏဝတီ မင်းသမီး (ပါဠိ: Uppalaratanarājakaññā Sirivaḍhanāvaṇṇavatī) ဖြစ်သည်။

၁၉၆၇ ဘန်​ငေါက်ပွဲ​တော်တွင် ဘုရင်ဘူမိဗလနှင့် မင်းသမီးရာတာနာတို့သည် ရွက်​လှေအားကစားနည်းတွင် ဝင်​ရောက်ယှဉ်ပြိုင်ရာ ရွှေတံဆိပ်များ ရရှိခဲ့သည်။

ပညာ​ရေး

ဥပ္ပလရတနာသည် ငယ်စဉ်က ချစ်တရာလဒါ​ကျောင်းတွင် ပညာသင်ခဲ့သည်။ထို့​နောက် မက်ဆာချူးဆက် စက်မှုတက္ကသိုလ်တွင် ပညာသင်ခဲ့ပြီး ၁၉၇၃ခုနှစ်တွင် သင်္ချာဘာသာရပ်ဖြင့် သိပ္ပံဘွဲ့ရရှိခဲ့သည်။​လော့စ်အိန်ဂျလိရှိ ကယ်လီဖိုးနီးယားတက္ကသိုလ်တွင် ပြည်သူ့ကျန်းမာ​ရေးဖြင့် မာစတာဘွဲ့ရရှိခဲ့သည်။

မိသားစု

၁၉၇၂ခုနှစ် ဇူလိုင်လ၂၅ရက်​နေ့တွင် သူ၏​တော်ဝင်ဂုဏ်ပုဒ်များကို စွန့်လွှတ်ကာ ပီတာလတ်ဂျန်ဆန်ဖြင့် လက်ထပ်ခဲ့သည်။ထို့​နောက် အ​မေရိကန်တွင် ၂၆နှစ်ကြာ​နေထိုင်ခဲ့သည်။၁၉၉၈ခုနှစ်တွင် ကွာရှင်းခဲ့ကာ သူနှင့်က​လေးများမှာ ဆန်ဒီ​ယေဂိုတွင် ၂၀၀၁ခုနှစ်အထိ​နေထိုင်ခဲ့သည်။သူ့တွင် သားတစ်​ယောက်နှင့် သမီးနှစ်​ယောက်ရှိသည်။သူ၏သားမှာ ၂၀၀၄ခုနှစ် ဒီဇင်ဘာလတွင် ဆူနာမီ​ကြောင့် ​သေဆုံးခဲ့ရသည်။

နိုင်ငံ​ရေးလှုပ်ရှားမှု

၂၀၁၄ခုနှစ်တွင် ယင်လပ်အစိုးရအား အာဏာသိမ်းခဲ့​ပြီး​နောက် ၅နှစ်အကြာတွင် ပထမဆုံးပြန်လည်ကျင်းပမည့် ​ရွေး​​​ကောက်ပွဲတွင် ဝန်ကြီးချုပ်​နေရာအတွက်ဥပ္ပလရတနာမှ ဝင်​ရောက်အ​ရွေးခံမည်ဖြစ်​ကြောင်း ​၂၀၁၉ခုနှစ် ​ဖေ​ဖော်ဝါရီလ၈ရက်​နေ့က ကြေညာခဲ့သည်။ယခင် ဝန်ကြီးချုပ်၂ဦးဖြစ်သူ သက်ဆင် ရှင်နာဝပ်နှင့် ယင်လပ် ရှင်နာဝပ်တို့၏ ရှင်နာဝပ်မိသားစုနှင့်ဆက်စပ်မှုရှိသည့် ထိုင်းရတ်ဆာချက်ပါတီမှ ဝင်​ရောက်ယှဉ်ပြိုင်မည်ဖြစ်သည်။သူ၏​ကြေညာချက်ထွက်ပြီးမကြာမီတွင် အာဏာသိမ်းစစ်အစိုးရ၏ ဝန်ကြီးချုပ်ဖြစ်သူ ပရာယွတ်ချန်အိုချာကလည်း စစ်တပ်​နောက်ခံပါတီမှ ဝန်ကြီးချုပ်​လောင်းအဖြစ် အ​ရွေးခံမည်ဖြစ်​ကြောင်း ​ကြေညာခဲ့ပြန်သည်။ထို့​ကြောင့် စစ်အစိုးရ၏မဟာရန်သူ ရှင်နာဝပ်မိသားစုနှင့်လက်တွဲကာ နိုင်ငံ​ရေားအတွင်းဝင်လာခြင်းဖြစ်၍ စစ်တပ်ပါတီနှင့် ထိပ်တိုက်​တွေ့ဆုံကာ ဗဟိုအာဏာကိုဆက်လက်ချုပ်ကိုင်ရန် ကြိုးပမ်း​နေ​သော စစ်အစိုးရ၏အစီအစဉ်များကို ကစဉ့်ကလျားဖြစ်​စေသည်။အကယ်၍ ​ရွေး​ကောက်ပွဲတွင် အနိုင်ရရှိပါက ​၁၉၃၂ခုနှစ်​တော်လှန်​ရေးအပြီး စည်းမျဉ်းခံဘုရင်စနစ်မှ တော်ဝင်မိသားစုအတွင်း ပထမဆုံး ဝန်ကြီးချုပ်ဖြစ်လာမည်ဖြစ်သည်။မင်းသမီးက သူ့အ​နေဖြင့် ​တော်ဝင်အ​ဆောင်အ​ယောင်များကို ၁၉၇၁ခုနှစ်ကပင် စွန့်လွှတ်ခဲ့ပြီးဖြစ်၍ ယခုအချိန်တွင် သာမန်လူအ​​နေဖြင့်သာ​နေထိုင်​နေ​ကြောင်း လူမှုကွန်ယက်မှတစ်ဆင့် ​ပြောကြားခဲ့သည်။[5]သို့​သော် ချက်ချင်းပင်လျှင် ​မောင်​တော် ရာမ၁၀ဘုရင်က တော်ဝင်မိသားစုဝင်များ နိုင်ငံရေးတွင် ပါဝင်ပတ်သက်ခြင်းသည် “မသင့်တော်”ဘဲ အခြေခံဥပဒေနှင့်လည်း မကိုက်ညီဟု ရုပ်သံမှတဆင့် မိန့်ခွန်းပြောခဲ့သည်။ဘုရင်​သည် အစ်မ​တော်ကို တိုက်ရိုက်​ဝေဖန်လိုခြင်းမရှိဘဲ အမည်စာရင်းတင်သွင်းခဲ့သည့် နိုင်ငံ​ရေးပါတီကိုသာ ​ဝေဖန်ပြစ်တင်ခဲ့သည်။နိုင်ငံ​ရေးပါတီမှလည်း ဘုရင်၏ အလိုဆန္ဒပြည့်​စေရမည်ဖြစ်ပြီး ဘုရင့်ဆန္ဒအတိုင်းသာ လုပ်မည်ဖြစ်​ကြောင်း​ပြောခဲ့သည်။​ဖေ​ဖော်ဝါရီ ၁၁ရက်​နေ့တွင် ထိုင်း​ရွေး​ကောက်ပွဲ​ကော်မရှင်က ​တော်ဝင်မိသားစုဝင်များသည် အုပ်ချုပ်​ရေးပိုင်း၏အ​ပေါ်တွင်ရှိရမည်ဖြစ်ကာ နိုင်ငံ​ရေးဆိုင်ရာရာထူးများ ရယူခွင့်မရှိဟုဆိုကာ ပယ်ချခဲ့သည်။[6]

ရုပ်ရှင်​လောက

ဥပ္ပလရတနာသည် ၂၀၀၈ခုနှစ် ဩဂုတ်လက ထွက်ရှိခဲ့​သော ထိုင်းရုပ်ရှင် Where The Miracle Happens (หนึ่งใจ..เดียวกัน)တ့င် ပါဝင်သရုပ်​​ဆောင်ခဲ့သည်။ [7] ၂၀၁၀ ​အောက်တိုဘာလတွင်လည်း အ​ကောင်းဆုံးသက်​တော်​စောင့်ရုပ်ရှင် (มายเบสต์บอดีการ์ด)တွင်လည်း ပါဝင်ခဲ့သည်။

​ဆွေစဉ်မျိုးဆက်

Ancestors of ဥပ္ပလရတနာ

16. (=18.) မွန်းခတ် 8. (=24.) စုဠာလင်္ကရဏ 17. ဒပ်စရင်တရာ 4. မဟီတလ အတုလျေတေဇ 18. (=16.) မွန်းခတ် 9. ဆာဗန် ဗဟာနာ 19. ပီရာမဗဒီ 2. ဘူမိဗလအတုလျတေဇ 20. ချွမ် ​ချောက်ကရာ​မော် 10. ချူ ချာကရွန်​မော် 5. ဆန်ဝမ် တလပတ် 11. ခမ် ချာကရွန်​မော် 23. ဖ 1. ဥပ္ပလရတနာ 24. (= 8.) စုဠာလင်္ကရဏ 12. ​ခေတ်တစ်ရာခါရ 25. ဘီစလိုင်ဘူထရာ 6. နက္ခတြ မင်္ဂလ 26. ဒဗာဝမ် 13. အပရာဆာမန် 27. ဆာချရီတက်ခူး 3. သီရိခေတ် 28. ဆနစ်ဗွန်း 14. ဆာဒန် 29. ဆာဆဆမစ် 7. ဘွား ကီတိယကရ 30. ဘန်နီသွန်း 15. ဘန်ဘာနသန် 31. ဘန်ဟန်း

ကိုးကား

1. พระปรมาภิไธย พระนามาภิไธย และพระนาม။ Office of the Prime Minister။ 6 June 2012 တွင် မူရင်းအား မော်ကွန်းတင်ပြီး။
2. 'Princess Ubolratana Biography'။
3. Beech၊ Hannah။ "Thai King’s Sister Is Picked to Run for Prime Minister, Upending Politics" (in en-US)၊ The New York Times၊ 2019-02-08။
4. Thai princess joins election race to become prime minister in stunning move for 'apolitical' royals (in en) (2019-02-08)။
5. "Princess Ubolratana: Thai royal to stand as PM candidate"၊ BBC News၊ 8 February 2019။
6. "ဝန်ကြီးချုပ် ရာထူးအတွက် ဝင်ရောက်ယှဉ်ပြိုင်မည့် တော်ဝင်မင်းသမီး၏ ကြိုးပမ်းမှုကို ရွေးကောက်ပွဲကော်မရှင်က အရည်အချင်းမပြည့်မီဟု ဆိုကာ ပယ်ချခဲ့"၊ Eleven Media၊ ၁၁ ​ဖေ​ဖော်ဝါရီ ၂၀၁၉။
7. :: :: wherethemiraclehappens.com :: ::