ဝဋံသကာ
မန္တလေးမြို့ ပရိယတ္တိသာသနဟိတအသင်းက စာသင်တန်း၊ ဓမ္မာစရိယတန်းတို့ကို နှစ်မခြားဘဲ အောင်မြင်သော စာအောင် သံဃာတော်များကို "ဝဋံသကာ" ဘွဲ့ပေးပါသည်။ ပရိယတ္တိသာသနဟိတအသင်း၏ ပထမဦးဆုံး ဝဋံသကာ ပိုင်ရှင်မှာ မင်းကွန်းတိပိဋကဓရ ဆရာတော်ဘုရားကြီး ဖြစ်ပါသည်။ ၁၉၅၃ ခုနှစ်တွင် ပရိယတ္တိသာသနဟိတအသင်း၏ ဝဋံသကာဘွဲ့ရ ၃ ပါး တပြိုင်နက်ပေါ်ထွက်လာသည်။ ဦးကုမာရာဘိဝံသ (ယခု နဝမဗန်းမော်ဆရာတော်၊ နိုင်ငံတော်သံဃမဟာနာယကအဖွဲ့ ဥက္ကဋ္ဌ) ဦးသုနန္ဒာဘိဝံသ (ဦးရွှေအောင်) နှင့် ဦးနာရဒါဘိဝံသ (ဓမ္မာစရိယ ဦးထွန်းလှိုင်) တို့ ဖြစ်ကြသည်။
ဝဋံသကာဘွဲ့ကို မန္တလေး၊ ပရိယတ္တိသာသနဟိတ အသင်းက ပေးသည်။ (ရန်ကုန်၊ ရွှေတိဂုံစေတီတော်၊ စေတိယင်္ဂယ စာမေးပွဲကလည်း ပေးပါသည်။) [1]
သကျသီဟ ဓမ္မာစရိယ ဝဋံသကာဘွဲ့ရများ
(၁) အရှင် ဝိစိတ္တသာရာဘိဝံသ ဓမ္မနာဒ ကျောင်းတိုက် မင်းကွန်း။ ၁၂၉၆ ခုနှစ်
(၂) အရှင် ဥတ္တမာဘိဝံသ မိုးကောင်းတိုက် မန္တလေး။ ၁၂၉၉ ခုနှစ်
(၃) အရှင် လက္ခဏာဘိဝံသ မိုးကောင်းတိုက် မန္တလေး။ ၁၃ဝ၉ ခုနှစ်
(၄) အရှင် သုမနာဘိဝံသ ထီးလင်းတိုက် မန္တလေး။ ၁၃၁၄ ခုနှစ်
(၅) အရှင် ကုမာရာဘိဝံသ ဘုရားကြီးတိုက် မန္တလေး။ ၁၃၁၅ ခုနှစ်
အမှတ်(၅) ဆရာတော်ကြီးသည် ယခု နိုင်ငံတော်သံဃမဟာနာယက ဥက္ကဋ္ဌ ဗန်းမော်ဆရာတော်ကြီး ဖြစ်ပါသည်။
(၆) အရှင် သုနန္ဒာဘိဝံသ ဘုရားကြီးတိုက် မန္တလေး။ ၁၃၁၅ ခုနှစ်
အရှင် သုနန္ဒာဘိဝံသမှာ နောင်တွင် ဆရာကြီး ဦးရွှေအောင် အဖြစ် ထင်ရှားကျော်ကြားပါသည်။
(၇) အရှင် နာရဒါဘိဝံသ မြင်းဝန်တိုက် မန္တလေး။ ၁၃၁၅ ခုနှစ်
အရှင် နာရဒါဘိဝံသမှာ နောင်အခါ ဓမ္မာစရိယ ဦးဌေးလှိုင် အဖြစ် ထင်ရှားကျော်ကြားပါသည်။
(၈) အရှင် ကစ္စာယနာလင်္ကာရာဘိဝံသ ဘုရားကြီးတိုက် မန္တလေး။ ၁၃၁၇ ခုနှစ်
(၉) အရှင် ကေသရာလင်္ကာရာဘိဝံသ မဟာဂန္ဓာရုံကျောင်းတိုက် အမရပူရ။ ၁၃၄၈ ခုနှစ်
အမှတ်(၉)ဆရာတော်သည် မန္တလေးမြို့ အောင်ချမ်းသာ ပရိယတ္တိစာသင်တိုက်၏ ပဓာနနာယက ဆရာတော် ဖြစ်ပါသည်။ [2]
ကိုးကား
- အမရဒီပ
- မော်ကွန်းတင်ပြီးမိတ္တူ။ 5 March 2016 တွင် မူရင်းအား မော်ကွန်းတင်ပြီး။ 1 July 2014 တွင် ပြန်စစ်ပြီး။
| ဗုဒ္ဓဘာသာ | |
|---|---|
| အခြား ကိုးကွယ်ယုံကြည်မှုများ |
|
| အခြားခေါင်းစဉ်များ |
|
 ကဏ္ဍ | |