လည်ပင်းကြီးရောဂါ

လည်ပင်းကြီးရောဂါ
SpecialtyEndocrinology 

လည်ပင်းကြီးရောဂါ

လည်းပင်းကြီးရောဂါသည် လည်ပင်း၏ ရှေ့ပိုင်းလည်စိနှင့် ရင်ပတ်ရိုးကြားရှိလည်ပင်း အဆမတန်ကြီးထွားနေသော ရောဂါဖြစ်သည်။ ထိုရောဂါသည် ယောကျာ်းကလေးနှင့် ယောကျာ်းကြီးများ တွင် ဖြစ်လေ့ရှိသည်ထက် မိန်းမကလေးများနှင့် မိန်းမကြီးများတွင် ပို၍ အဖြစ်များ၏။ အရွယ်ကြီးထွားခြင်းအလွန်မြန်မှု၊ ကိုယ်ဝန်ဆောင်ရမှုနှင့် စိတ်လှုပ်ရှားမှု၏ ဒဏ်ကိုခံရခြင်းကြောင့်လည်း လည်ပင်းကြီးရောဂါ စွဲကပ်တတ်သည်။ အဆိုပါရောဂါသည် အသက်ဆယ်နှစ်နှင့် ၃ဝ ကြားရှိ ယောကျာ်း၊ မိန်းမများတွင် ဖြစ်တတ်လေ့ရှိသည်။ လူလားမြောက်စကြီးထွား မှုလျင်မြန်သောအခါ၌ ဖြစ်ပေါ်သော လည်ပင်ကြီးရောဂါသည် များသောအား ဖြင့် အရွယ်ရောက်ပြီးသောအခါတွင် ပျောက်ကင်းသွားတတ်၏။ တစ်ခါတစ်ရံတွင် သောက်ရေ၌ အိုင်အိုဒင်းဓာတ်အပါနည်းလျှင် ထိုရောဂါဖြစ်တတ် ၏။ ထို့ပြင် မသန့်သည်ရေကို သောက်သဖြင့်လည်း ထိုရောဂါဖြစ်တတ်သည်။ ထိုရောဂါဖြစ်ရသည်မှာ သိုင်းရွိုက်ဂလင်းခေါ် ဒိုင်းပုံဂလင်း ဖြစ် ပျက်မှု မြန်ပြီးလျှင် ကြီးထွားလာခြင်းကြောင့် ဖြစ်သည်။ သို့မဟုတ် စစ်ထွက်ရည်များလွန်သဖြင့်မူရင်း တစ်ရှူးများ ကြီးထွားလာခြင်းကြောင့်ဖြစ် သည်။ လည်ပင်းကြီးရောဂါမဖြစ်ပေါ်စေရန် ပင်လယ်မှရရှိသော အစာ များနှင့် အိုင်အိုဒင်းဓာတ်ပါရှိသော ရေကိုစားသောက်ပေး ရသည်။ အခြားနည်းဖြင့်ပြုလုပ်ထားသော အိုင်အိုဒင်းဓာတ်ပါသည့် အစာများကိုစားပေးခြင်း ဖြင့်လည်း လည်ပင်းကြီးရောဂါကို ကာကွယ်နိုင်သည်။ လူ့ခန္ဓာကိုယ်တွင် ဂလင်းများ ရှိသည့်အနက် သိုင်းရွိုက်ဂလင်း သည် အရေးအကြီးဆုံး ဂလင်းများတွင်ပါဝင်လေသည်။ ထိုဂလင်းများတွင် ပြွန်မရှိချေ။ ထိုဂလင်းမှ စစ်ထွက်ရည်များက ကလေးများ၏ကြီးထွားမှုကို အုပ်ထန်းပေးသည့်အပြင် ကလေးနှင့်လူကြီးများ၏ ခန္ဓာကိုယ်အတွင်းရှိ ဓာတ်ပြောင်လဲမှုနှုန်းကိုပါ ထိန်းသိမ်းပေးလေသည်။ ဓာတ်ပြောင်းလဲမှုနှုန်း၊ သို့မဟုတ် ဇီဝရုပ်အဖြစ်အပျက်များသူသည် စိတ်မြန်ကိုယ်မြန်ရှိပြီးလျှင် ထထကြွကြွ ရှိတတ်သည်။ ဇီဝရုပ် အဖြစ်အပျက် နည်းများသူသည် ထိုင်းမှိုင်းတတ်၏။ သိုင်းရွိုက်ဂလင်းသည် အသက်ရှူမှု၊သွေးတိုးမှု၊ ဦးနှောက်၏ အမှုဆောင်ရွက်မှုများနှင့် အခြားပြွန်မဲ့ဂလင်းများတွင်လည်း အကျိုးသက်ရောက်မှုရှိလေသည်။ လည်ပင်းကြီးရောဂါကို ရောဂါ၏အခြေအနေကို စစ်ဆေး၍ လည်းကောင်း၊ လူနာ၊ အခြေအနေကို စစ်ဆေး၍ လည်ကောင်း ကုသပေးလေ့ရှိကြသည်။ တစ်ခါတစ်ရံတွင် ခွဲစိတ်၍လည်းကောင်း၊ တစ်ခါတစ်ရံတွင် အိပ်စရေး ရောင်ခြည်ဖြင့်လည်းကုသပေးလေ့ရှိပေသည်။[1]

ကိုးကား
  1. မြန်မာ့စွယ်စုံကျမ်း၊ အတွဲ(၁၂)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.