ဘူးရိုးဟာ့စ် ကသီဒရယ် ဘုရားရှိခိုးကျောင်း

ဘူးရိုးဟာ့စ် စိန့်မေရီ ကသီဒရယ် ဘုရားရှိခိုးကျောင်း သည် မယ်တော်မာရီကို ရည်စူးသော ကက်သလစ် ဘုရားရှိခိုးကျောင်း တစ်ခု ဖြစ်ပြီး စပိန်နိုင်ငံ ဘူးရိုးဟာ့စ်မြို့ သမိုင်းဝင်ဌာန အတွင်း တည်ရှိသည်။ တရားဝင်အမည်မှာ ဆန်တာ အစ်ဂလဲရှား ကက်တီဒါရယ် ဘာဆေးလစ်ကာ မက်ထရိုပိုလီတာနာ ဒီ စန်တာ မာရီယာ ဒီ ဘူးရိုးဟာ့စ် ဖြစ်သည်။

ဘူးရိုးဟာ့စ် ကသီဒရယ် ဘုရားရှိခိုးကျောင်း*
UNESCO ကမ္ဘာ့အမွေအနှစ်နေရာများ
ဂေါသစ်ပုံစံ ဘူးရိုးဟာ့စ် ကသီဒရယ် ဘုရားရှိခိုးကျောင်း
တည်ရှိသည့် နိုင်ငံ  စပိန်
အမျိုးအစား ယဉ်ကျေးမှု
ရွေးချယ်သည့်စံနှုန်း ii,iv,vi
ကိုးကား ၃၁၆
ဒေသ** ဥရောပနှင့် မြောက်အမေရိက
သတ်မှတ်ခြင်း မှတ်တမ်း
စတင်သတ်မှတ်ခြင်း ၁၉၈၄  (အဋ္ဌမအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည်
** ယူနက်စကိုမှ ခွဲခြားသတ်မှတ်ထားသောဒေသ

တည်ဆောက်ရေးလုပ်ငန်းစဉ်မှာ ၁၂၂၁ တွင် စတင်ခဲ့ပြီး လက်တင် လက်ဝါးကပ်တိုင်ပုံစံကို ပြင်သစ် ဂေါသစ်ဗိသုကာပညာဖြင့် တည်ဆောက်ထားခြင်း ဖြစ်သည်။ နှစ် ၂၀၀ ကျော်မျှ ရပ်တန့်ထားပြီးနောက် ၁၅ ရာစုနှင့် ၁၆ ရာစု အတွင်းတွင် အဓိကမျက်နှာစာ၏ ခေါင်ချွန်း၊ ကွန်စတေဘယ်လ်၏ ဝတ်ပြုဆောင် နှင့် ဖြတ်မင်းလမ်း၏ အမိုးခုံး တို့ကို အကြီးအကျယ် မွမ်းမံ အလှဆင်မှုများ ပြုလုပ်ခဲ့သည်။ ဂေါသစ်ဗိသုကာပညာ၏ အစိတ်အပိုင်းများကြောင့် ကက်သီဒရယ်အား မမှားနိုင်သော ပုံစံ ရှိစေသည်။ နောက်ဆုံး အရေးပါသော ဖန်တီးမှု အနေနှင့် စိန့်သက်ဆလာဝတ်ပြုဆောင် သို့ ဝတ်ပြုပစ္စည်းများ ထားရာအခန်းကို ၁၈ ရာစုတွင် တည်ဆောက်ခဲ့ပြီး ထိုအချိန်တွင် ပင်မဆောင် မျက်နှာစာ၏ ဂေါသစ်အဝင်ဝများကိုလည်း ပြန်လည်ပြုပြင်ခဲ့သည်။ ကသီဒရယ် ဘုရားရှိခိုးကျောင်း၏ စတိုင်လ်မှာ ဂေါသစ်စတိုင်လ် ဖြစ်သော်လည်း ရီနေဆွန်းစတိုင်လ် နှင့် ဘာရော့ခ် အစိတ်အပိုင်းများလည်း ပါဝင်နေသည်။ တည်ဆောက်ရေးနှင့် ပြုပြင်ထိန်းသိမ်းရေးများကို အနီးအနားရှိ မြို့ဖြစ်သော ဟွန်တိုရီးယား ဒီ လာ ကန်တဲရာ ရှိ ကျောက်ကျင်းမှ ထုတ်ယူထားသော ထုံးကျောက်တုံးများကို အသုံးပြုခဲ့သည်။

ကသီဒရယ် ဘုရားကျောင်းအတွင်း အလွန်ထူးကဲသော အနုပညာရှင်များ၏ လက်ရာအများအပြားကို ထိန်းသိမ်းထားခဲ့သည်။

ကသီဒရယ် ဘုရားကျောင်းအား ယူနက်စကိုမှ ကမ္ဘာ့အမွေအနှစ်နေရာ အဖြစ် ၁၉၈၄ ခုနှစ်တွင် ကြေငြာခဲ့သည်။

  • ဘူးရိုးဟာ့စ် ကသီဒရယ်
  • ကသီဒရယ်အား ညဘက်တွင် မြင်ရပုံ
  • ကွန်စတေဘယ်လ် ဝတ်ပြုဆောင်၏ အတွင်းပိုင်း
  • ကွန်စတေဘယ်လ် ဝတ်ပြုဆောင်၏ အပြင်ပိုင်း
  • ကွန်စတေဘယ်လ် ဝတ်ပြုဆောင်၏ အပြင်ပိုင်း အသေးစိတ်
  • ဆင်ဘိုရီယို အဋ္ဌဂံပုံ တာဝါ
  • ပလာဇာ ဒီ ဆန် ဖာနန်ဒို မှမြင်ရသော တောင်ဘက်ခြမ်း
  • Mudéjar ceiling at the Chapter room
  • Inside the Major chapel
  • ရွှေလှေကားထစ်များ
  • Burgos cathedral cloister
  • East side's Pellejería facade
  • Detail of the Constables tomb
  • El Cid's chest
  • ပါပါမော့စကပ်စ် နာရီ
  • ဘူးရိုးဟာ့စ် ကသီဒရယ်အား ၁၉၁၁ ခုနှစ်တွင် တွေ့ရပုံ
  • ၂၀၁၁ ခုနှစ် အဖြူရောင်ည ပွဲတော်တွင် တွေ့ရသော ဘူးရိုးဟာ့စ် ကသီဒရယ်
  • The Holy Door for the Holy Year of Mercy, 2015-2016


ကိုးကား
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.