ပလာတာ (သရုပ်ဆောင်)
ပလာတာသည် မြန်မာရုပ်ရှင်သရုပ်ဆောင် နှင့် လူရွှင်တော်ဖြစ်ပြီး၊ ဝင်းဦးနှင့်အတူ ဇာတ်ကားများစွာ၌ ပါဝင်သရုပ်ဆောင်ခဲ့သည်။ ရေဒီယိုအငြိမ့်ခေတ်ဦးကာလကတည်းက လူရွှင်တော်အဖြစ် ကျင်လည်ပြီး၊ ဦးစံမတူနှင့်တွဲဖက် ဖြစ်သည်။ အဖြူအမည်းရုပ်ရှင်ခေတ်တွင် သရုပ်ဆောင်အဖြစ် ထင်ရှားကျော်ကြားသည်။ [1]
| ဦး ပလာတာ ပြည်သူ့အချစ်တော် | |
|---|---|
| ကွယ်လွန် | စက်တင်ဘာ ၁၇၊ ၂၀၂၀ (အသက် ၈၉–၉၀) ပန်းဘဲတန်းမြို့နယ် |
| သေဆုံးရခြင်း အကြောင်းရင်း | လူကြီးရောဂါ |
| ထာဝရ နားခိုရာနေရာ | ရေဝေး |
| နိုင်ငံလူမျိုး | မြန်မာ |
| အလုပ်အကိုင် | လူရွှင်တော်၊ သရုပ်ဆောင် |
| တက်ကြွလှုပ်ရှားနှစ်များ | 1960-2018 |
| ခေတ် | ရေဒီယိုအငြိမ့်ခေတ်ဦး |
| ကျော်ကြားမှုအရင်းခံ | ဦးစံမတူနှင့်တွဲဖက် |
| နောက်လူ | မြေး အောင်စိုးမိုး၊ သဲနုဝေ |
| အိမ်ထောင်ဖက်(များ) | ခင်ထွေး |
| သားသမီး | 6 |
ငယ်စဉ်
ခြင်းလုံးခတ် ဝါသနာပါသည်။ အသက်ကြီးသည်အထိ သန်သန်မာမာ ခြင်းလုံးခတ်နိုင်ဆဲ ဖြစ်သည်။ [2]
အနုပညာလောက
အနုပညာလောကတွင် နှစ်ပေါင်း ၆၀ နီးပါးခန့် ကျင်လည်ခဲ့သော ဦးပလာတာသည် ပြည်သူ့အချစ်တော် ဦးပလာတာဟူ၍ ထင်ရှားသည်။ [3] ဦးရွှေရိုး၊ ဦးသော်တာ၊ ဦးစံမတူတို့နှင့်အတူ စင်ပေါ်မှ ဟာသပြက်လုံးများကို အတွဲညီညီ ပြက်ကာ၊ နားထောင်သူ ရွှေပွဲလာပရိသတ်များကို ဟဒရွှင်ဆေး တိုက်ကျွေးခဲ့သည်။ [2]
မိသားစု
ကြင်ဖက်မှာ ဒေါ်ခင်ထွေးဖြစ်ပြီး၊ ကွယ်လွန်နှင့်ပြီ။[2] ဦးပလာတာတွင် သားသမီး ၆ ဦး ထွန်းကားသည်။ မြေး ၁၀ ယောက်၊ မြစ် ၁၀ ယောက်ရှိသည်။[1] မကွယ်လွန်မီ ၃ နှစ်အလိုက မြေးဖြစ်သူ အောင်စိုးမိုးနှင့် သဲနုဝေတို့အား အနုပညာလောကနှင့် မိတ်ဆက်ပေးသွားသည်။ ၂ နှစ်အလိုတွင် အနုပညာလုပ်ငန်းများ ရပ်နားသည်။
နိဂုံး
၁၇ စက်တင်ဘာ ၂၀၂၀ နံနက် ၂ ချက်တီးတွင် ရန်ကုန်၊ ပန်းဘဲတန်းမြိုနယ်၊ ၂၆ လမ်း နေအိမ်ဝယ် လူကြီးရောဂါဖြင့် အသက် ၉၀ အရွယ်တွင် အိပ်နေရင်း အေးချမ်းစွာ ကွယ်လွန်သည်။ နှလုံးသွေးကြောကျဉ်း ရောဂါအခံရှိသည်။ ကိုဗစ်ကာလဖြစ်၍ လူအနည်းအကျဉ်းဖြင့် ရေဝေး၌ ကျော်သူနာရေးအကူအညီဖြင့် မီးသင်္ဂြိုဟ်ခဲ့သည်။နေ့ချင်း သင်္ဂြိုဟ်သည်မှာလည်း ဦးပလာတာ၏ ဆန္ဒ ဖြစ်သည်။[4]
ကိုးကား
- ဝါရင့် လူရွှင်တော်ကြီး ဦးပလာတာ လူကြီးရောဂါဖြင့် ကွယ်လွန်
- ဝေ, လင်း (စက်တင်ဘာ ၂၀၂၀). "လူရွှင်တော်ဟာသသရုပ်ဆောင်ကြီး ဦးပလာတာကွယ်လွန်". ပြည်ထောင်စုနေ့စဉ် ၈ (၂၁၂): ၁၆.
- ဝါရင့်လူရွှင်တော်ကြီး ဦးပလာတာ ကွယ်လွန်
- အသက် ၉၀ ရှိ ဝါရင့်လူရွှင်တော်ကြီး ဦးပလာတာ လူကြီးရောဂါဖြင့် ကွယ်လွန် | The Myanmar Times