နှင်းပန်းအိမ်

နှင်းပန်းအိမ်
မွေးသက္ကရာဇ်
အမည်ရင်း
နို်င်ငံ မြန်မာ
မိဘအမည်
ကိုးကွယ်သည့်ဘာသာ ဗုဒ္ဓဘာသာ
ကလောင် အမည်ခွဲများ
အလုပ်အကိုင် စာရေးဆရာ၊
မွေးဖွားရာဒေသ
ထင်ရှားကျော်ကြားမှု

နှင်းပန်းအိမ်

နှင်းပန်းအိမ်သည် ၂၀၀၀ ပြည့်နှစ်မှ စတင်ကာ စာပေလောကအတွင်း ဝင်ရောက်ခဲ့သော စာရေးဆရာမ တစ်ဦးဖြစ်သည်။

ဆရာမ နှင်းပန်းအိမ်၏ "တမာပန်းနှင့် ဘဝလမ်း" ခရီးသွားဆောင်းပါးကို လူကြိုက်များခဲ့ပြီး၊ "ပတ်ဝန်းကျင် ကျေးဇူးတရားနဲ့ ကြယ်ပွင့်လေး" ဆောင်းပါးဖြင့် ဂျပန်စာဖတ်ပရိသတ်တဦး၏ ကျနော်အနှစ်သက်ဆုံးဆောင်ပါးဆု၊ "ခေတ်သစ် မန်မိုရီနှင့် ဝတ္တုတိုပေါင်းချုပ်" တော်ဘုရားလေး စာပေဆု၊ "ရိုးချောင်းဘေးက ကြာ" ဝတ္တုတိုဖြင့် နေမင်းအားမာန်အဖွဲ့မှ ချီးမြှင့်သည့် အကောင်းဆုံး ဝတ္တုတိုဆုတို့ကို ရရှိခဲ့သည်။

ခင်ပွန်းသည်မှာ တောင်ဒဂုံမြို့နယ် အမျိုးသား ဒီမိုကရေစီအဖွဲ့ချုပ် လူငယ် စည်းရုံးရေးမှူး ဦးနေဦး ဖြစ်သည်။

ဦးနေဦးသည် တရားမဝင် စာရွက်စာတမ်းဖြန့်မှု အပါအဝင် အခြားစွပ်စွဲချက်များဖြင့် ၁၉၈၉ ခုနှစ် ဖေဖော်ဝါရီလ ၁၉ ရက်နေ့က ထောင်ဒဏ် ၁၄ နှစ် ကျခံခဲ့ရသည်။

စစ်ကိုင်းတိုင်း ကလေးမြို့ထောင်သို့ ခင်ပွန်းသည်ထံ ထောင်ဝင်စာသွားတွေ့ရင်း တွေ့ကြုံရသည်များကို ဆရာမက ခရီးသွားဆောင်းပါး၊ အက်ဆေးနှင့် ဝတ္တုတိုများအဖြစ် ရေးသားကာ နွယ်နီ၊ မဟေသီ မဂ္ဂဇင်းများတွင် ရေးသားခဲ့သည်။

၂၀၀၅ ခုနှစ် ဇူလိုင်လ ၆ ရက်နေ့က ခင်ပွန်းသည် ပြန်လွတ်လာသော်လည်း ဝေးလံခေါင်ဖျား ဒေသရှိ ထောင်များသို့ အခြားသော နိုင်ငံရေးအကျဉ်းသား မိသားစုဝင်များမှ ထောင်ဝင်စာ သွားတွေ့သည်ကို ကူညီရင်း ခရီးသွားဆောင်းပါးများ ဆက်လက်ရေးခဲ့သည်။

လူငယ် စည်းရုံးရေးမှူး နှင့် နိုင်ငံရေး အကျဉ်းသားဟောင်း ဦးနေဦးသည် ၂၀၀၈-ခုနှစ်၊ စက်တင်ဘာလ၌ ထိုင်း-မြန်မာနယ်စပ်သို့ ထွက်ခွာသွားပြီးနောက်၊ နှင်းပန်းအိမ်သည်လည်း သားငယ်နှင့်အတူ ၂၀၀၈-ခုနှစ်၊ နိုဝင်ဘာလတွင် လိုက်ပါသွားသည်။ [1]

ကိုးကား
  1. မိုးမခ ကွန်ရက် သတင်း
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.