ဆွန်ဒေါက်ကျောင်းတော်
ဆွန်ဒေါက်ကျောင်းတော်(ထိုင်း: วัดสวนดอก)သည် ထိုင်းနိုင်ငံမြောက်ပိုင်း၊ ချင်းမိုင်မြို့တွင် တည်ရှိသည်။ ပန်းပွင့်ဥယျာဉ်ကျောင်းတော်သို့မဟုတ် ပုပ္ဖါရာမကျောင်းတော် (ပါဠိ: Pupphārāma) ဟု အကြမ်းအားဖြင့်လည်း ခေါ်ကြသေးသည်။ တတိယအဆင့်ရှိ တော်ဝင်ကျောင်းတော်တစ်ခု ဖြစ်သည်။ ကျောင်းတော်သည် စုသပ်လမ်းမ (Suthep) ပေါ်တွင် တည်ရှိသည်။ ခန့်မှန်းခြေအားဖြင့် ကျုံး၏ အနောက်ဘက်ရှိ ဆူရန်ဒေါ့၏ အနောက်ဘက် တစ်ကီလိုမီတာအကွာတွင် တည်ရှိသည်။ ချင်းမိုင်ရှိ Buddhist Mahachulalongkornrajavidyalaya တက္ကသိုလ်သည် ကျောင်းတော်များ စုဝေးပေါင်းစုထားရာ နေရာတစ်ခု ဖြစ်သည်။
သမိုင်း
၁၃၇၀ စီအီးနှစ်တွင် သုမနထေရ် (Sumana Thera) ၏ တိုက်တွန်းချက်ဖြင့် လန်နာ (lanna) ၏ ဘုရင်ဖြစ်သူ ကူးန(Kue Na) သည် ကျောင်းတော်ကို တည်ထောင်ခဲ့သည်။ ကျောင်းတော်သည် ဝီယန်ဆူဒန်ဒေါ့(Wiang Suan Dok) ၏ အလယ်တွင် တည်ဆောက်ခဲ့သည်။ ဝီယန်ဆူဒန်ဒေါ့သည် လာဝါ (Lawa) လူမျိုးများ ပြောင်းရွှေ့ကာ အခြေချနေထိုင်ခဲ့သည့်နေရာဖြစ်ကာ ချင်းမိုင်မြို့ထက်ပင် သက်တမ်းပိုများသည်။ အကြမ်းဖျင်းဖော်ပြချက်များကို ဂြိုဟ်တုဖြင့် ရိုက်ယူထားသည့် ရုပ်ပုံများဖြင့် စစ်ဆေးထားသည်။ ကျန်သော မြေကြီးဖြင့် ပြုလုပ်ထားသည့် နံရံများကို စုသတ်လမ်းမ၏ မြောက်ဘက်တွင် ယခုထက်တိုင် မြင်တွေ့နိုင်သေးသည်။ ကူးနဘုရင်၏ ပန်းဥယျာဉ်သည် ထိုနေရာတွင်ပင် တည်ရှိခဲ့သည်။ ကျောင်းတော်၏ မူလအမည်သည် အတိုကောက်အားဖြင့် ပုပ္ဖရာမကျောင်းတော် (Buppharam) သို့မဟုတ် ဆူရန်ဒေါ့မိုင် (Suan Dok Mai) ဖြစ်သည်။
မြင်ကွင်း
- သီရိလင်္ကာနိုင်ငံ၏ ပုံစံများအတိုင်းတည်ထားသည့် ခေါင်းလောင်းပုံသဏ္ဌာန်စေတီကို အဝေးမှ ဖူးမြင်နိုင်သည်။ ထိုစေတီသည် အမြင့် (၄၈) မီတာ ရှိသည်။ ဗုဒ္ဓ၏ ဓာတ်တော်များကို ဌာပနာထားသည်ဟု ပြောကြသည်။
- မကြာသေးခင်က ပြုပြင်မွမ်းမံမှုများလုပ်ထားသည့် အမြင့် ၄.၇၀ မီတာ (၁၅.၄ ပေ) ရှိသည့် ကြေးညိုဖြင့်လုပ်ထားသော ဗုဒ္ဓရုပ်ပွားတော်သည် ဘူမိဖဿမုဒြာအနေအထားဖြင့် တည်ရှိသည်။ ရုပ်ပွားတော်သည် Mueang Kaeo ဘုရင်၏ လက်ထက်ကာလအတွင်း ၁၅၀၄ စီအီးတွင် သွန်းလုပ်ခဲ့သည်။ ရုပ်ပွားတော်သည် Phra Chao Kao Tue ဟူသောအမည်မှ ဖြစ်တည်လာသည်။ မှတ်သားရမည့် ထူးခြားသည်မှာ ရုပ်ပွားတော်၏ လက်ချောင်းများသည် တူညီသောအလျား ရှိကြခြင်း ဖြစ်သည်။
- အဖြူရောင်ဆေးသုတ်လိမ်းထားသည့် ဂူဗိမာန်တို့သည် ချင်းမိုင်၏ တော်ဝင်မိသားစု၏ ဈာပနမှပြာများတည်ရှိသည့် နေရာလည်း ဖြစ်သည်။ ကျောင်းတော်မြေပြင်၏ အနောက်မြောက်ထောင့်တွင် တည်ရှိသည်။ ၂၀ ရာစုအစပိုင်းတွင် Dara Rasmi မင်းသမီးသည် ချင်းမိုင်ပတ်ဝန်းကျင်ရှိ အရိုးပြာများကို စုဆောင်းစေကာ လက်ရှိနေရာတွင် မြှုပ်နှံခဲ့သည်။ ထိုမင်းသမီးသည် စုဠာလင်္ကရဏ (ရာဘဘုရင် V) ၏ ကြင်ယာတော်မိဖုရားဖြစ်သည်။ Lanna ဘုရင် Inthawichayanon ၏ သမီးတော်လည်း ဖြစ်သည်။
ရုပ်ပုံများ
Entrance gate, Wat Suan Dok
Royal cemetery
Standing Buddha in the sala kan prian
Chedi, Wat Suan Dok, 2005