ငွေကြည် (ကာတွန်း)

ကာတွန်းဦးငွေကြည်၏ အမည်ရင်းမှာ ဦးကြည်လွင် ဖြစ်သည်။ ကာတွန်းမောင်လင်း ဟူသော ကလောင်အမည်ခွဲဖြင့်လည်း ကာတွန်းများ ရေးဆွဲသေးသည်။

၁၉၄၈ ခုနှစ်၊ မေလ(၂၆)ရက်နေ့တွင်တွင် ရန်ကုန်၌ မွေးဖွားသည်။

၁၉၆၉ ခုနှစ်တွင် နိုင်ငံတော် အစိုးရ ပန်းချီကျောင်း (S.S.F.H) မှ ဘွဲ့ရသည်။ ကာတွန်းနှင့် ပန်းချီပညာကို ရန်ကုန်ပန်းချီ၊ ပန်းပုကျောင်းနှင့် ကာတွန်းဦးအောင်ရှိန်တို့ထံတွင် လေ့လာသင်ကြားခဲ့သည်။

၁၉၆၄ခုနှစ်တွင် ကျော်ကျော်လွင် အမည်ဖြင့် ကာတွန်းများစတင်ရေးဆွဲခဲ့သည်။ ၁၉၆၉ခုနှစ်မှစတင်ကာ ငွေကြည်အမည်ဖြင့် ကာတွန်းများ တောက်လျှောက် ဆွဲခဲ့ပြီး မြန်မာနိုင်ငံတွင် ထင်ရှား ကျော်ကြားသော ကာတွန်းဆရာ ဖြစ်သည်။ ၁၉၆၉ ခုနှစ် ၂၀၀၇ နှစ်အတွင်း ပြည်တွင်း အုပ်စုလိုက် ပန်းချီပြပွဲများတွင် ပြသခဲ့သည်။ ၂၀၀၇ ခုနှစ်၊ ဩဂုတ်လတွင် ပထမ အကြိမ် တစ်ကိုယ်တော် ပန်းချီပြပွဲကို New Treasure Art Gallery ၌ ပြသခဲ့သည်။ အဓိက နှစ်သက် ရေးဆွဲသော Medium မှာ Oil နှင့် Acrylic ဖြစ်သည်။

၁၉၇၅ ခုနှစ်တွင် ပန်းချီ ပန်းပု ကောင်စီ (ရန်ကုန်) အမှုဆောင်နှင့် ကာတွန်းအဖွဲ့ အတွင်းရေးမှူး အဖြစ်လည်းကောင်း၊ ၁၉၉၂ ခုနှစ်တွင် မြန်မာနိုင်ငံ ရိုးရာ ပန်းပညာရှင်များ အစည်းအရုံး ဗဟို အမှုဆောင် အဖြစ် ဆောင်ရွက်ခဲ့သည်။

လက်ရှိတွင် ပန်းချီဆရာ၊ ကာတွန်းဆရာ (Painter, Cartoonist) အဖြစ် ရပ်တည် အသက်မွေး ဝမ်းကြောင်းပြုလျက် ရှိသည်။ စာနယ်ဇင်းများတွင် ကာတွန်းအမြောက်အမြား ရေးဆွဲခဲ့သည်။ ရှုမဝမဂ္ဂဇင်းပါ “လောကကြီးမှာဗျာ”၊ ရွှင်ပြုံးစာစောင်ပါ “မြန်မာ့ရိုးရာဟာသ” ကာတွန်းများမှာ အထူးအောင်မြင်ထင်ရှားသည်။ရုပ်စုံကမ္ဘာလစဉ်ကို ထုတ်ဝေခဲ့သည်။ တစ်ကွက်ကာတွန်းများနှင့် ဟာသ ကာတွန်းများကို လုံးချင်းအဖြစ် စုစည်းထုတ်ဝေခဲ့သည်။ ထင်ရှားသော ကာတွန်းဇာတ်ကောင်များမှာ ကမ္ဘာရှား နှင့် ကြောင်စီထူးတို့ ဖြစ်သည်။

အဆိုတော် စည်သူလွင်သည် သားဖြစ်သည်။

လိပ်စာမှာ တိုက် (၄၀)၊ ပထပ်၊ အင်းဝလမ်း၊ ကျောက်မြောင်း၊ တာမွေမြို့နယ်၊ ရန်ကုန် ဖြစ်သည်။ ဖုန်းနံပါတ်မှာ ၉၅ - ၁ - ရ၂၃၄၃၈ ဖြစ်သည်။ အီးမေးလ် မှာ [email protected] ဖြစ်သည်။

[1]

ကိုးကား
  1. ForEverSpace.com.mm မှာ လွှင့်တင် ထားတဲ့ ကာတွန်း ငွေကြည်ရဲ့ အတ္ထုပ္ပတ္တိအကျဉ်း
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.