ငါးကြင်း

ငါးကြင်းသည် ငါးသိုင်းမျိုးတွင် ပါဝင်သည်။ ပါဏဗေဒအရ'စာရီနားမရီဂါးလား'ဟု ခေါ်သည်။ ရေချိုနှင့် ရေငန်နှစ်ရပ်လုံးတွင် ကျက်စားနိုင်သည်။ ငါးကြင်း၏ အောက်မေးရိုးအလယ်၌ အဖုငယ်ရှိသည်။ နှုတ်ခမ်းကြားတွင် နှုတ်ခမ်းမွေးတိုတို တစ်စုံရှိသည်။ ကိုယ်လုံးမှာရှည်၍ အမြီးခွစောက်နက်သည်။ အကြေးခွံကြီး၍ အကွက်ပေါ်လွင်၏။ ငါးကြင်း၏ အရောင်သည် ငွေရောင်ခပ်မှိုင်းမှိုင်းဖြစ်ပြီး ကျောတွင် ကြေးနီရောင် သန်းနေသည်။ ဆူးတောင်ရောင်သည် အမဲအနည်းငယ် ရောစပ်နေသည့် လိမ္မော်ရောင် ဖြစ်သည်။ ဖေဖော်ဝါရီလ၊ မတ်လတို့တွင် ငါးကျည်း၊ ငါးမြစ်ချင်းတို့နှင့်အတူ မြစ်ကိုဆန်တက် သွားကြ၍ ဇူလိုင်လ၊ ဩဂုတ်လတို့တွင် သားပေါက်များနှင့်အတူ အောက်ပိုင်းမြေပြင်များသို့ ဆင်းလာလေ့ရှိကြသည်။ ငါးကြင်းသည် အဆီများသော ငါးဖြစ်၏။ ကိုယ်အရှည် ၃ ပေအထိရှိ၏။ [3]

ငါးကြင်း
သဘာဝထိန်းသိမ်းခြင်း အခြေအနေ

Vulnerable  (IUCN 3.1)[1]
မျိုးရိုးခွဲခြားခြင်း
လောက:
Animalia
မျိုးပေါင်းစု:
Chordata
မျိုးပေါင်း:
Actinopterygii
မျိုးစဉ်:
Cypriniformes
မျိုးရင်း:
Cyprinidae
မျိုးစု:
Cirrhinus
မျိုးစိတ်:
C. cirrhosus
ဒွိနာမ
Cirrhinus cirrhosus
(Bloch, 1795)
Synonyms

Cirrhinus mrigala (F. Hamilton, 1822)[2]

အသားချို၍ နူးညံ့သဖြင့် တန်ဖိုးပေး၍ ဝယ်ယူစားသောက်ကြရ၏။ အကွင်းလိုက်လှီး၍ ချက်ကြော်စားသောက်လေ့ရှိသည်။ [4]

ကိုးကား
  1. တမ်းပလိတ်:IUCN2012.2
  2. The cultured mrigal carp has been cited as Cirrhinus mrigala and is so still treated by FAO, whereas sources such as FishBase, IUCN Red List and Eschmeyer's Catalog of Fishes now consider C. cirrhosus and C. mrigala as distinct species
  3. မြန်မာ့စွယ်စုံကျမ်း၊ အတွဲ(၃)
  4. လှသမိန် ရေးသည့် ဗဟုသုတ စွယ်စုံ စာအုပ်မှ
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.