ဂျွန် မက္ကာသီ
ဂျွန် မက္ကာသီ (အင်္ဂလိပ်: John McCarthy) (၁၉၂၇-၂၀၁၁) သည် အမေရိကန်လူမျိုး ကွန်ပျူတာသိပ္ပံ ပညာရှင်နှင့် သိမြင်မှုသိပ္ပံ (Cognitive Science) ပညာရှင် တစ်ဦး ဖြစ်သည်။ ဉာဏ်ရည်တု အခြေခံသတ်မှတ်ချက်များ ပေးခဲ့သည့် ကနဦးလုပ်ဆောင်သူများအနက် တစ်ဦးဖြစ်သည်။ ဉာဏ်ရည်တု ဟူသော ဝေါဟာရကို တီထွင်ကာ အစောပိုင်းဖန်တီးမှုများ ဦးဆောင်ခဲ့ခြင်းက လည်းကောင်း၊ LISP ကွန်ပျူတာဘာသာစကားကို ဖန်တီးခြင်းကာ ALGOL ကွန်ပျူတာဘာသာစကား၏ ဒီဇိုင်းကို လွှမ်းမိုးနိုင်ခဲ့ခြင်းက လည်းကောင်း၊ အချိန်မျှသုံးခြင်း ကို လူသိများစေခြင်းက လည်းကောင်း မက္ကာသီအား ထင်ရှားစေခဲ့သည်။
| John McCarthy | |
|---|---|
 ကွန်ဖရင့်တစ်ခုတွင်တွေ့ရသော ဂျွန် မက္ကာသီ (၂၀၀၆) | |
| မွေးဖွား | စက်တင်ဘာ ၄၊ ၁၉၂၇ ဘော်စတွန်, မက်ဆာချူးဆက်, အမေရိကန် |
| ဆုံးပါး | အောက်တိုဘာ ၂၄၊ ၂၀၁၁ (အသက် ၈၄) စတန်းဖို့, ကာလီဖိုးနီးယား, အမေရိကန် |
| နေထိုင်ရာ | အမေရိကန် ပြည်ထောင်စု |
| နိုင်ငံလူမျိုး | အမေရိကန် |
| နယ်ပယ် | ကွန်ပျူတာနည်းပညာ |
| အဖွဲ့အစည်းဌာန | စတန်းဖို့ တက္ကသိုလ်, မက်ဆာချူးဆက် နည်းပညာ တက္ကသိုလ်, ဒါးမောက် ကောလိပ်, ပရင့်စတန်း တက္ကသိုလ် |
| မိခင်ကျောင်း | ပရင့်စတန်း တက္ကသိုလ်, ကာလီဖိုးနီးယား နည်းပညာ တက္ကသိုလ် |
| ကျော်ကြားမှုအရင်းခံ | ဉာဏ်ရည်တု, Lisp, Circumscription, Situation calculus |
| ထင်ပေါ်ကျော်ကြား ဆုတံဆိပ်များ | တူရင်းဆု (၁၉၇၁) ကွန်ပျူတာ ရှေ့ဆောင်ဆု (၁၉၈၅) |
အသက်မွေးဘဝကို စတန်းဖို့ တက္ကသိုလ်တွင် ကုန်ဆုံးစေခဲ့သည်။ ဆုတံဆိပ် အများအပြား ရခဲ့ရာ ဉာဏ်ရည်တုတွင် ပါဝင်ဆောင်ရွက်ခြင်းကြောင့် တူရင်းဆုအား ၁၉၇၁ ခုတွင် လည်းကောင်း၊ အမေရိကန်နိုင်ငံ၏ သိပ္ပံဆိုင်ရာ အမျိုးသားဆုတံဆိပ်ကို လည်းကောင်း၊ ကျိုတိုဆုကို လည်းကောင်း ချီးမြှင့်ခံရဖူးသည်။
တစ်ကိုယ်ရေ ဘဝ
ဘာသာမဲ့ဟု မက္ကာသီက သူ့ကိုယ်သူ ခံယူထားသည်။ ကွန်မြူနစ်အဖြစ် မြေတောင်မြှောက်ခံရသော်လည်း ဆိုဗီယက် ဝင်ရောက်မှု ဖြစ်ပြီးသည့် ၁၉၆၈ ခုတွင် ချက်ကိုစလိုဗေးကီးယားသို့ ၂ ရက်ကြာ ခရီးသွားပြီးနောက် ကွန်ဆာဗေးတစ် ရီပါဗလစ်ကန် (Conservative republican) တစ်ဦး ဖြစ်လာသည်။
စတန်းဖို့ရှိ နေအိမ်၌ ၂၀၁၁ ခု၊ အောက်တိုဘာလ ၂၄ ရက်တွင် ကွယ်လွန်သည်။